Ակտիվիստ Արթուր Չախոյանը Երևանի քաղաքապետարանի դիմաց ակցիայի էր իրականացնում։
«Մի քանի օր առաջ ես հանրայնացրել էի, թե ինչպես է պետությունը 4288 քմ հողատարածքը, որում լիճ կա, վաճառել 28․950 դրամով»,- ասել է նա։
«Այս կապակցությամբ ես, Երևանի քաղաքապետարանին կնվիրեմ իրենց սիրած կանաչ գոտիները, այն, ինչի համար իրենք պայքարում են։ Կանաչ գոտիներն իրենք ուզում են քչացնեն, որ կանաչ գումարներով իրենց գրպանները լցնեն»,- ասել է նա և հուշանվեր դոլարներ փակցրել քաղաքապետարանի պատուհաններին։
Չախոյանին բերման ենթարկեցին։
«Էս ո՞վ են, չոբան, բռի, ոչ օրենք գիտեն, ոչ բան։ Այ էս ա այսօրվա ոստիկանության գործելաոճը։ Անօրինական ձերբակալում են՝ առանց օրինական պահանջ ներկայացնելու, քաղաքացիական, վրացական համարներով ավտոների մեջ մտցնելով»,- հայտարարեց բլոգեր Արթուր Չախոյանը:
