«Հրապարակ» թերթը գրում է․ Հայաստանում առաջիկա ամիսներին սպասվող ՏԻմ ընտրություններում ընդդիմության պասիվությունը պայմանավորված է Նիկոլ Փաշինյանի եւ իշխանության հայտարարած տեռորով, որն իրականացնում են առաջադրվող կամ առաջադրվել պատրաստվող թեկնածուների, կամ էլ ընտրական պրոցեսի այլ մասնակիցների նկատմամբ։ Ընդդիմադիր ազդեցիկ ուժի ներկայացուցիչներից մեկը մեզ հետ մասնավոր զրույցում անկեղծացավ, որ համայնքներում դժվար է գտնել թեկնածուներ, որոնք համաձայնեն մտնել ընտրական գործընթացի մեջ, գրեթե բոլորին արդեն պարզ է՝ առաջադրվելով ընդդիմադիր ուժից իրենք կամ դառնալու են Մամիկոն Ասլանյան, կամ էլ հետագայում Առուշ Առուշանյան։
