Սեպտեմբերի 1-ին՝ ժամը 01։00-ից մինչև 07։00-ն, Հայաստանի ամբողջ տարածքում ժամանակավորապես կդադարեցվի թվային հեռուստատեսային հեռարձակումը․ հայտնում են ՀՀ բարձր տեխնոլոգիական արդյունաբերության նախարարությունից։
ՀՀ բարձր տեխնոլոգիական արդյունաբերության նախարարության փոխանցմամբ՝ դադարեցումը պայմանավորված է թվային հեռուստատեսային հեռարձակման ցանցում նախատեսված պլանային պրոֆիլակտիկ աշխատանքներով։
Նշված ժամանակահատվածում հեռուստադիտողները չեն կարողանա դիտել թվային հեռարձակմամբ հասանելի հեռուստաալիքները։
