«Երեկ հայտարարել եք, որ ընտրակաշառք տվողներին, վերցնողներին բանտերն եք լցնելու, նաև, որ ընդդիմությանը ընտրածների 70 տոկոսը ընտրակաշառք է վերցրել։ Հիմա գնալու եք այդ 500 հազարի 70 տոկոսի բանտերը լցնելո՞վ»,- ճեպազրույցի ժամանակ լրագրողը հարցն ուղղեց Նիկոլ Փաշինյանին։ «Ընտրակաշառքով քրեական գործեր են նախատեսված, հարուցված, և ինձ համար շատ վրդովեցուցիչ փաստ է, որ 21թ-ից հետո ընտրակաշառքով հարուցված գործերով մեղադրյալներից ոչ մեկն այս պահի դրությամբ բանտում չէ, սկի բանտ չեն էլ նստել։ Բոլորը պետք ա մինչև հաջորդ ընտրությունների արդյունքների ամփոփման օրն անցկացնեն բանտում, հակառակ դեպքում նշանակում է մեր դատաիրավական համակարգը կանաչ լույս է տալիս ընտրակաշառք բաժանողներին։ Չի կարա այդպիսի բան լինել և մենք նախորդող շրջանին էլ պիտի անդրադառնանաք, թե ինչի ա տենց եղել։ Մենք մինչև այս պահը չենք էլ հետաքրքրվել այդ թեմայով, բայց հիմա դա քաղաքական հարց ա, պիտի հասկանանք ով, ում, ինչի համար ա գործը կարճել, ինչ հիմնավորումներով։ Պետքա էդ ընտրակաշառքի համակարգը էքստրապոլացնել և այդտեղից ա իմ եզրակացությունը, իսկ որևէ մեկին բանտ նստեցնելու համար՝ պետք է ապացուցվի մեղքը»,- ի պատասխան նշել է Փաշինյանը։
