Ոստիկաններ են ձերբակալվել

Ներքին գործերի նախարարությունից «Հայկական ժամանակ»-ին հայտնեցին, որ ՆԳՆ ներքին անվտանգության և հակակոռուպցիոն վարչությունում իրականացված ուսումնասիրությունների արդյունքում ձեռք բերված տեղեկությունների հիման վրա հաղորդում է ուղարկվել Հակակոռուպցիոն կոմիտե։

Հակակոռուպցիոն կոմիտեից էլ «Հայկական ժամանակ»-ի հարցմանն ի պատասխան հայտնել են, որ միջոցառումն իրականացվել է իրենց մոտ քննվող քրեական վարույթի շրջանակում:

Կոմիտեից նաև հաստատեցին, որ ոստիկանության 9 աշխատակից է ձերբակալվել հանցագործության դեպք թաքցնելու և այդ կապակցությամբ պաշտոնեական կեղծիք կատարելու մեղադրանքներով։