Երևանի Մալաթիա–Սեբաստիա վարչական շրջանի Բ2 թաղամասի Իսակովի 85 շենքի բակում այսօր դանակահարություն է եղել, ինչից հետո հնչել են կրակոցներ։ Կա վիրավոր: Այս մասին հայտնում է shamshyan.com–ը։
Կայքի տեղեկություններով` ոստիկանությունում տեղեկությունը ստացվել է ժամը 13:30–ի սահմաններում:
Դեպքի վայրում ոստիկանները հայտնաբերել են 1 կրակած և 2 չկրակած պարկուճ։ Վերելակի մոտ` աստիճանների ճաղավանդակի վրա հայտնաբերվել են արնանման հետքեր:
Ըստ նախնական տեղեկությունների՝ 1 մարդ տեղափոխվել է «Աստղիկ» բժշկական կենտրոն:
Դեպքի փաստով նախաձեռնվել է քրեական վարույթ, պարզվում է վիրավորի, նաև դեպքի մասնակիցների ինքնությունը։
Քայլեր են ձեռնարկվում հանցագործության գործիք հրազենը հայտնաբերելու ուղղությամբ:
