Ռուսաստանի նախագահ Վլադիմիր Պուտինը հայտարարել է, որ Ուկրաինայի հետ հակամարտության ժամանակ Մոսկվայի համար միջուկային զենք կիրառելու անհրաժեշտություն չի եղել։ Նրա խոսքերը փոխանցում է «Ինտերֆաքս»-ը։
«Ուզում էին մեզ սադրել, ուզում էին հասնել նրան, որ սխալներ թույլ տանք։ Դե, անհրաժեշտություն չկար օգտագործելու ձեր նշած զենքերը, և հուսով եմ՝ անհրաժեշտություն չի էլ լինի», — ասել է Պուտինը «Ռուսաստան, Կրեմլ, Պուտին։ 25 տարի» ֆիլմի նկարահանումների ժամանակ տված հարցազրույցում։
Նրա խոսքով՝ Ռուսաստանի Դաշնությունն ունի բավարար ուժ և ռեսուրսներ՝ «2022 թվականին սկսվածը տրամաբանական ավարտին հասցնելու համար՝ այն արդյունքով, որը Ռուսաստանին անհրաժեշտ է»։
Ապրիլի 29-ին Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարեց, որ միջուկային ապոկալիպսիսի սպառնալիքը որոշ չափով նահանջել է, բայց չի վերացել։
