Մենք կընդունենք հրավերը և ուրախ կլինենք հանդիպել Արցախի պետնախարար Նժդեհ Իսկանդարյանի հետ, ով խորհրդարանական ուժերի հետ խորհրդակցություններ անցկացնելու ցանկություն է հայտնել։ Այս մասին սեպտեմբերի 15-ին լրագրողների հետ զրույցում հայտարարել է «Ուժեղ Հայաստան» խմբակցության ղեկավար Նարեկ Կարապետյանը։
Նա ընդգծել է ծրագրեր առաջարկելու և Լեռնային Ղարաբաղի հայերի իրավունքների պաշտպանության ուղղությամբ աշխատելու անհրաժեշտությունը՝ հավելելով, որ բնակարանների գների աճի, ինչպես նաև մարզերում ապաստանածների շրջանում զանգվածային գործազրկության ֆոնին նրանք ներկայումս բախվել են Հայաստանում ապրելու խնդրին։
Նրա գնահատմամբ՝ արցախահայերը պետք է ունենան մեկ միասնական խոշոր կազմակերպություն, որը կապահովի նրանց միջև մշակութային փոխգործակցությունը։ «Անհրաժեշտ է ունենալ մշակութային կենտրոններ, որպեսզի արցախահայերը կապ պահպանեն միմյանց հետ», — նշել է Կարապետյանը։
