Հանրապետության տարածքում դեկտեմբերի 16-ի և 18-ի գիշերը սպասվում է առանց տեղումների եղանակ։ Դեկտեմբերի 16-ի և 18-ի ուշ երեկոյան, 17-ի և 19-ի գիշերն առանձին շրջաններում սպասվում են տեղումներ, լեռնային շրջաններում՝ ձյուն և բուք։ Այս մասին հայտնում է Հիդրոօդերևութաբանության և մոնիտորինգի կենտրոնը։
Քամին արևմտյան 2-5մ/վ, դեկտեմբերի 16-17-ին առանձին շրջաններում սպասվում է քամու ուժգնացում՝ 17-20 մ/վ արագությամբ։
Օդի ջերմաստիճանը դեկտեմբերի 16-ի գիշերն աստիճանաբար կնվազի ևս 2-3 աստիճանով։
Երևան քաղաքում դեկտեմբերի 16-ի ուշ երեկոյան սպասվում են թույլ տեղումներ, քաղաքի բարձրադիր հատվածներում՝ ձյան տեսքով։ Մայրաքաղաքում օդի ջերմաստիճանը կլինի այսօր ցերեկը՝ +1-ից +3, երեկոյան՝ -1-ից -3 աստիճան։
