«Հրապարակ» թերթը գրում է. «ՔՊ-ական տիկնայք, մեր տեղեկություններով, ԱԺ պետաիրավական հարցերի հանձնաժողովի նախագահ Վլադիմիր Վարդանյանի աշխատասենյակում երեկ «բզկտել» են արդարադատության նախարարի պարտականությունները կատարող Արմենուհի Հարությունյանին։
Հանձնաժողովի նիստի ընդմիջմանը նրանք գնացել են Վլադիմիր Վարդանյանի սենյակ, որտեղից քիչ անց բարձր խոսակցություններ են լսվել։ Պարզեցինք, որ Արփի Դավոյանը, Ալխաս Ղազարյանը, Լիլի Մինասյանն են նախարարի ԺՊ-ին նեղել, թե ինչու է կառավարությունը բացասական եզրակացություն տվել Ագնեսա Խամոյանի նախագծին, որը վերաբերում է ուժային եւ իրավապահ ոլորտի աշխատակիցների՝ թմրանյութի օգտագործումը բացառելու համար թեստեր հանձնելուն։
Հիշեցնենք․ Խամոյանն առաջարկել է թմրանյութերի օգտագործումը բացառելու համար ոստիկանների, քննիչների, ԱԱԾ, ՊՊԾ ծառայողների, փրկարարների` պատահականության սկզբունքով, տարեկան 2 անգամ թմրաթեստի հանձնում: Ա․ Հարությունյանը կառավարության մերժումը մեկնաբանել է տեխնիկական եւ մարդու իրավունքների խնդրով, բայց ՔՊ-ական տիկնայք նրան «տուպիկ են մտցրել» եւ ասել, որ պետք է ընդունեն, հակառակ դեպքում ժողովուրդն իրենց երեսին կթքի, որ խրախուսում են թմրամոլությունը։
Վերադառնալով նիստին՝ որոշել են նախագծի ընդունումը 2 ամսով հետաձգել, որ գործադիրը դրական եզրակացություն տա»:
Առավել մանրամասն թերթի այսօրվա համարում
