Հայաստանից Ադրբեջան ապրանքի արտահանման դեպք չի եղել, հայտնել են ՀՀ ՊԵԿ լրատվական ծառայությունից։
«Արձագանքելով մամուլում տարածված տեղեկատվությանը՝ հայտնում ենք, որ ըստ ՀՀ պետական եկամուտների կոմիտեի մաքսային վիճակագրության տվյալների` Հայաստանից Ադրբեջան արտահանման որևէ դեպք մաքսային մարմնի կողմից չի արձանագրվել»,-ասացին ՊԵԿ լրատվական ծառայությունից։
Հիշեցնենք՝ այսօր ադրբեջանական լրատվամիջոցները, հղում անելով Պետական մաքսային կոմիտեին, գրել էին, թե Ադրբեջանն առաջին անգամ ապրանքներ է ներկրել Հայաստանից։ Ըստ նույն հրապարակման՝ ներմուծված ապրանքների արժեքը կազմել է 960 ԱՄՆ դոլար։
Մեկ այլ հրապարակմամբ էլ ադրբեջանական լրատվամիջոցները հայտնել են, որ այս տարվա առաջին եռամսյակում Ադրբեջանը Հայաստան է արտահանել 5 մլն 757 հազար ԱՄՆ դոլարի ապրանքներ։
