Հայաստանում ԵՄ քաղաքացիական դիտորդական առաքելությունը մարտ ամսից ավելացրել է գիշերային պարեկության թիվը հայ-ադրբեջանական սահմանի երկայնքով՝ գիշերային անվտանգությունը բարելավելու և հնարավոր լարվածությունը թուլացնելու նպատակով: Դրա մասին հայտնել են առաքելության մամուլի ծառայությունից։
«Մեր դիտորդները շուրջօրյա կապի մեջ են՝ գիշեր-ցերեկ ապահովելով մշտական ներկայություն»,- նշել են մամուլի ծառայությունից։
Հիշեցնենք, որ մարտ ամսից Ադրբեջանը գնդակոծում է Հայաստանի զինված ուժերի դիրքերը և սահմանամերձ գյուղերի բնակիչների տները։ Ավանդաբար, Ադրբեջանի նման գործողություններն ուղեկցվում են Հայաստանի հասցեին կեղծ մեղադրանքներով։
