«Նման որոշում դեռ չկա»,-«Հրապարակ»-ին այս մասին ասացին դատախազությունից՝ Հովիկ Աղազարյանին անձեռնմխելիությունից զրկելու վերաբերյալ:
Աղազարյանի փաստաբան Հակոբ Ճարոյանը «Հրապարակ»-ի հետ զրույցում ասաց, որ իր ենթադրությամբ գլխավոր դատախազը հունվարի 20-ին կգա ԱԺ ու կառաջարկի Հովիկ Աղազարյանին զրկել անձեռնմխելիությունից:
Հարցին՝ ինչո՞ւ հենց ամսի 20-ին, նա պատասխանեց. «Ազգային ժողովի նիստն այդ օրն է»:
Փաստաբանի խոսքով՝ հավանական է, որ անձեռնմխելիությունից զրկելուց հետո Հովիկ Աղազարյանին նրան կամ կկալանավորեն, կամ կենթարկեն տնային կալանքի։
Հիշեցնենք, որ Հակակոռուպցիոն կոմիտեում քրեական վարույթ է նախաձեռնվել:
Վարույթը նախաձեռնվել է ՀՀ քրեական օրենսգրքի 427-րդ հոդվածի 1-ին մասով (Պետական գաղտնիք պարունակող տեղեկություն հրապարակելը)։
