Վրաց-ռուսական սահմանին գտնվող «Դարիալի» մաքսակետում՝ Վերին Լարսում, գործարկվել է տարերային աղետների վաղ նախազգուշացման ավտոմատ համակարգը։
Այս մասին հայտնում է Վրաստանի ՆԳՆ-ն։
Անվտանգության կանոնների համաձայն՝ մաքսակետի ամբողջ անձնակազմը՝ սահմանապահները, մաքսավորներն ու մյուս աշխատակիցները, անմիջապես տարհանվել են։
Որպես կանխարգելիչ միջոց՝ Գվելեթի գյուղի մոտ ամբողջությամբ դադարեցվել է բոլոր տեսակի տրանսպորտային միջոցների երթևեկությունը երկու ուղղություններով։
Ավելի վաղ օդերևութաբանները զգուշացրել էին, որ օգոստոսի 13-15-ը Վրաստանում սպասվում է եղանակի կտրուկ վատթարացում, հնարավոր է տարերային աղետ:
