Վեհափառի և 6 եպիսկոպոսների վերաբերյալ «քրեական գործը» կրկին մակագրվել է դատավոր Սերժ Ռուշանյանին։ Որոշումը կայացրել է Վճռաբեկ դատարանը։
Հիշեցնենք, որ Արմավիրի մարզի ընդհանուր իրավասության դատարանի երկու դատավորներ՝ Հակոբ Մանուկյանն ու Սերժ Ռուշանյանն արդեն հրաժարվել են քննել այս գործը։ Մանուկյանը ինքնաբացարկ էր հայտնել՝ պատճառաբանելով, թե իրեն փաստաբանական արտոնագիր է տվել այդ գործով փաստաբան Արա Զոհրաբյանը։ Իսկ Սերժ Ռուշանյանն էլ որոշել էր, որ գործը պետք է քննվի Երեւանում։ Արդեն Երեւանի ընդհանուր իրավասության դատարանի դատավոր Վահագն Մելիքյանն էլ որոշել էր գործն ուղարկել Վճռաբեկ՝ որոշելու, թե որ դատարանում գործը պետք է քննվի։
Արդյունքում Վճռաբեկի որոշմամբ, գործը «վերադարձել» է Ռուշանյանի մոտ։
