ԲՀԿ նախագահ Գագիկ Ծառուկյանը ֆեյսբուքյան իր էջում գրում է․
Նախընտրական հանդիպում ունեցանք Երևանի Աջափնյակ վարչական շրջանում։
Այս օրերին տարբեր համայնքներում շփվում ենք մարդկանց հետ, լսում նրանց մտահոգություններն ու սպասումները։ Մարդկանց հուզող խնդիրները շատ են՝ բարձր գույքահարկ, ուսման վարձերի թանկացում, սոցիալական դժվարություններ և առօրյա բազմաթիվ հոգսեր, որոնք լուծման կարիք ունեն։
Մեր քաղաքացիների ամենամեծ ակնկալիքը խաղաղ, անվտանգ և արժանապատիվ կյանքն է, որտեղ յուրաքանչյուր մարդ հնարավորություն կունենա աշխատելու, արարելու և իր ընտանիքի ապագան կառուցելու սեփական երկրում։
Համոզված եմ, որ միասին կարող ենք հասնել այն դրական փոփոխություններին, որոնց սպասում են մեր քաղաքացիները։
