Հայաստանի հարավում՝ Սյունիքում տեղի ունեցող զարգացումները ուղղակիորեն կապված են Իրանի շահերի հետ, ահա, և պատճառը, որ Թեհրանը կարմիր գիծ է համարում միջազգայնորեն ճանաչված սահմանների փոփոխությունը, հենց դրանով է պայմանավորված։ Այս մասին ապրիլի 3-ին «Այկ-Իրան. հազարամյա հարևանություն» թեմայով միջազգային համաժողովի ժամանակ հայտարարեց Հայաստանում Իրանի արտակարգ և լիազոր դեսպան Մեհդի Սոբհանին։ Նա բացատրեց, որ այսօր Հայաստանում, Հարավային Կովկասում և Իրանում իրադարձությունների զարգացումը փոխկապակցված է։
«Իրանի և Հայաստանի ճակատագիրը, շահերը և անվտանգությունը միշտ փոխկապակցված են եղել՝ շնորհիվ աշխարհագրական մերձության և մեկ աշխարհաքաղաքական տարածքում գտնվելու», — հավելել է դեսպանը։
Նա նշել է, որ Հայաստանի հետ սահմանն Իրանում համարվում է ամենաանվտանգներից մեկը։
«Մենք երբեք վտանգ չենք զգացել Հայաստանի կողմից, և Հայաստանը երբեք վտանգ չի զգացել Իրանի կողմից»,- ընդգծել է Սոբհանին։
