Վարչապետ Նիկոլ Փաշինյանը վստահեցնում է, որ Ռուսաստանի կողմից սանկցիաներ եղել են միշտ, ուղղակի հիմա աղմուկ է, քանի որ լուսաբանվում է այդ մասին։
«Լուսաբանվում է Հայաստանում գործող ձեզ հայտնի որոշ շրջանակների հետաքրքրվածության բերումով»,- քվեարկելուց հետո լրագրողների հետ զրույցում ասաց նա։
Փաշինյանն ասաց, որ ԵԱՏՄ-ում չեն կարող Հայաստանին զրկել կարգավիճակից։
«Չեն կարող, ԵԱՏՄ-ում բոլոր որոշումները կայացվում են կոնսենսուսով, Հայաստանը, հետևաբար, ունի վետտոյի իրավունք»,- նշեց նա։
Փաշինյանն ասաց, որ ԵԱՏՄ-ում ամեն ինչ անում են, որ այդ կառույցի նկատմամբ ընկալումը Հայաստանում իջնի։
Փաշինյանի խոսքով՝ ԵՄ-ն աջակցում է Հայաստանին, որ սուբսիդավորեն գյուղատնտեսական ու այլ ապրանքների արտահանման հետ կապված արհեստական պրոբլեմները։
Ինչ վերաբերվում է հանրաքվե անելուն՝ նա ասաց, որ հիմա պատրաստ չեն դրան, պետք է բարեփոխվեն։
«Մենք այսօր լուրջ պրոբլեմներ ունենք, որոնք պետք է լուծենք»,- ընդգծեց նա։
Փաշինյանն ասաց, որ իր խնդիրն է, որպեսզի Հայաստանի ժողովուրդն ունենա այլընտրանք։
