Ադրբեջանական բանակի զինծառայողներ Համիդով Ռուսլան Ռուստամ օղլուն և Իմանով Ալի Տարիել օղլուն հայտնվել են ձնահյուսքի մեջ՝ երկրի արևմտյան Գետաբեկի շրջանի իրենց հերթապահ կետից վերադառնալիս, մառախուղի պայմաններում։
Այս մասին ասվում է այդ երկրի ՊՆ եւ ԱԻՆ համատեղ հայտարարության մեջ, փոխանցում են տեղի ԶԼՄ-ները:
Հաղորդվում է, որ չնայած բարձր լեռնային և դժվարանցանելի եղանակային պայմաններին, անմիջապես ձեռնարկվել են անհրաժեշտ որոնողական միջոցառումներ՝ զինծառայողներին հայտնաբերելու ուղղությամբ.
«Որոնողափրկարարական աշխատանքներին ներգրավվել են ադրբեջանական բանակի համապատասխան ստորաբաժանումների ուժերը, ռեսուրսները և հատուկ տեխնիկան, Արտակարգ իրավիճակների նախարարությունը և Ադրբեջանի ավտոմոբիլային ճանապարհների պետական գործակալության պայմանագրային ընկերությունը։
Որոնման արդյունքների վերաբերյալ հանրությանը կտրամադրվի լրացուցիչ տեղեկատվություն»,- ասված է հաղորդագրությունում։
