«Զանգեզուրի պղնձամոլիբդենային կոմբինատ»-ի պոչամբարից 2 աշխատակից մարմնական վնասվածքներով տեղափոխվել է հիվանդանոց

Shamshyan.com-ի տեղեկություններով հունվարի 22-ին, արտակարգ դեպք է տեղի ունեցել Սյունիքի մարզում։ Ժամը 15։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կապանի բաժնում տեղեկություն է ստացվել, որ «պոլիտրավմա» ախտորոշմամբ «Կապան» բժշկական կենտրոն են տեղափոխվել 2 քաղաքացի։

Ոստիկանները պարզել են, որ բուժօգնության տեղափոխվածներն են Գեղարքունիքի մարզի բնակիչներ 57-ամյա Խաչատուր Կ․-ն և 40-ամյա Արտաշ Ա․-ն, ովքեր բժշկական կենտրոն են տեղափոխվել «Սևանդ» ՍՊԸ-ի տարածքից և հայտնել են, որ վնասվածքները ստացել են աշխատանքի վայրում՝ էլեկտրասյունից ընկնելու հետևանքով:

Ոստիկանները պարզել են նաև, որ առանց գրանցման և աշխատանքային պայմանագրի, աշխատելով «Սևանդ» ՍՊԸ-ում, նույն օրը Կապան համայնքի Արծվանիկ բնակավայրի տարածքում գտնվող ««Զանգեզուրի պղնձամոլիբդենային կոմբինատ» ՓԲԸ-ի պոչամբարում նրանք իրականացնելիս են եղել էլեկտրասյուների վերանորոգման աշխատանքներ, որի ընթացքում չպահպանելով աշխատանքի անվտանգության կանոնները՝ լինելով չամրակապված, ընկել են էլեկտրասյան վրայից և ստացել մարմնական վնասվածքներ:

Դեպքի փաստով ոստիկանության Կապանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Սյունիքի մարզային քննչական վարչություն։

Փափուկ կահույքի քիմմաքրում, Химчистка мягкой мебели

Կատարում ենք բազմոցների, բազկաթոռների, աթոռների, ներքնակների քիմմաքրման աշխատանքներ:

Օգտագործում ենք բացառապես գերմանական բարձրորակ, անվտանգ, հակաալերգիկ և արդյունավետ միջոցներ՝ հիանալի արդյունքի համար։