Անցած շաբաթ Հայաստանում ԵՄ քաղաքացիական դիտորդական առաքելության երկու անդամներ փրկել են ճանապարհատրանսպորտային պատահարի մասնակից երկու քաղաքացու կյանքը։
«Առաքելության անդամները հունվարի 24-ի երեկոյան Երևան-Գյումրի ավտոճանապարհին վթար են նկատել։ Նրանք անմիջապես կանգնեցրել են մեքենան, տուժածներին ցուցաբերել առաջին բուժօգնություն ու սպասել ոստիկանության ու շտապօգնության ժամանմանը։ Տուժածները ներկայումս գտնվում են հիվանդանոցում, մաղթում ենք նրանց շուտափույթ ապաքինում և վերականգնում»,- ասված է հաղորդագրությունում։
