«Մենք պետք է ընդունենք ընտրությունների արդյունքները, և Բայդենի վարչակազմը պատրաստ է օգնել Դոնալդ Թրամփին և նրա թիմին անցումային փուլում և ապահովել իշխանության խաղաղ փոխանցումը»,- դիմելով Վաշինգտոնի Հովարդի համալսարանում հավաքված իր կողմնակիցներին՝ ընտրություններում պարտվելուց հետո առաջին հրապարակային ելույթի ժամանակ ասել է ԱՄՆ փոխնախագահ և Դեմոկրատական կուսակցության թեկնածու Քամալա Հարիսը։
«Երբեմն կռիվը որոշ ժամանակ է տևում», — AP-ի փոխանցմամբ ասել է նա՝ հավելելով. «Դա չի նշանակում, որ մենք չենք հաղթի»։
Հիշեցնենք, որ ավելի վաղ Հարիսը զանգահարել էր Դոնալդ Թրամփին, շնորհավորել նախագահական ընտրություններում տարած հաղթանակի կապակցությամբ:
Հարիսի աշխատակազմի ներկայացուցչի փոխանցմամբ նա քննարկել է նաև իշխանության խաղաղ փոխանցման և բոլոր ամերիկացիների նախագահ լինելու կարևորությունը։
Այսպիսով, ԱՄՆ 45-րդ նախագահ Դոնալդ Թրամփը դարձավ նաև 47-րդ նախագահը և չորս տարի հետո նա կրկին կվերադառնա Սպիտակ տուն:
