Ջրային կոմիտեի նախկին նախագահ Վահագն Գևորգյանի նկատմամբ խափանման միջոց է կիրառվել 2-ամսյա տնային կալանքը։ Տեղեկությունը Sputnik Արմենիային հայտնեցին Հակակոռուպցիոն կոմիտեից։
«Կոռուպցիոն բնույթի քրեական վարույթի շրջանակում նա ունի մեղադրյալի կարգավիճակ»,– հավելեցին կառույցից։
Հիշեցնենք` Գևորգյանը պաշտոնից ազատվեց 6 օր առաջ` դեկտեմբերի 20-ին, իսկ Ջրային կոմիտեի նախագահի լիազորությունները ստանձնել էր 2021 թվականին։
Մինչև այդ նա Աբովյանի քաղաքապետն էր (2015 թվականից)։
