Հռոմի պապ Ֆրանցիսկոսը կարող է հրաժարական տալ առողջական պատճառներով, Corriere della Sera-ին տված հարցազրույցում ասել է կարդինալ Ջանֆրանկո Ռավազին։
88-ամյա պոնտիֆիկոսը վերջերս հոսպիտալացվել էր, նրա մոտ երկկողմանի թոքաբորբ է ախտորոշվել։
Հնարավոր հրաժարականի մասին հարցին Ռավազին պատասխանել է՝ «Ես այդպես եմ կարծում»: Նրա խոսքով՝ Ֆրանցիսկոսը որոշում կկայացնի ինքնուրույն, գուցե խորհրդակցելուց հետո, սակայն վերջնական որոշումը նրանն է։ Միևնույն ժամանակ, կարդինալը նշել է, որ պոնտիֆիկոսը մտադիր է պաշտոնավարել մինչև Քրիստոնեության հոբելյանական տարվա ավարտը, որը Հռոմի կաթոլիկ եկեղեցու կողմից նշվում է 2025 թվականին։
