Թրամփի վարչակազմն այս շաբաթ սկսել է Թուրքիայի հետ բանակցությունների նոր փուլը՝ կենտրոնանալով երկկողմ և տարածաշրջանային խնդիրների վրա, ներառյալ Հարավային Կովկասում խաղաղությունը, հայտնում է TURAN-ի Վաշինգտոնի թղթակիցը։
Չորեքշաբթի օրը՝ պետքարտուղարի պաշտոնը ստանձնելուց մեկ օր անց, Մարկո Ռուբիոն զրուցել է Թուրքիայի արտգործնախարար Հաքան Ֆիդանի հետ՝ «վերահաստատելու ԱՄՆ-Թուրքիա հարաբերությունների և տարածաշրջանում մեր ընդհանուր շահերի կարևորությունը», հինգշաբթի ասել է Ռուբիոն։ Նա նաև իր ցավակցությունն է հայտնել Բոլուի հյուրանոցում բռնկված հրդեհի հետևանքով զոհվածների կապակցությամբ։
«Պետքարտուղարը և արտաքին գործերի նախարարը քննարկել են նաև Հայաստանի և Ադրբեջանի միջև կայուն և արժանապատիվ խաղաղության կարևորությունը»,- ասել է մամուլի քարտուղար Թեմմի Բրյուսը։ Զրույցի մասին այլ մանրամասներ չեն հաղորդվում։
Ինչպես հաղորդում է TURAN-ի թղթակիցը, ԱՄՆ-ում Թուրքիայի դեսպան Սեդաթ Օնալն այսօր կհանդիպի Լուի Բոնոյի հետ, ով նախկինում կովկասյան բանակցությունների գծով Բայդենի վարչակազմի խորհրդականն էր։ Թրամփի վարչակազմը նրան առաջադրել է պետդեպարտամենտի Եվրոպայի և Եվրասիայի հարցերով բյուրոյի ղեկավարի պաշտոնում։
