Աթենքի հարավում գտնվող վիլլայում ոստիկանությունը ռեյդ է իրականացրել թմրամոլների մասնակցությամբ խնջույքի վրա և տարբեր իրավախախտումների համար կալանավորել է 13 մարդու: Այս մասին հայտնում է հունական Kathimerini պարբերականը:
Ըստ իշխանությունների, միջոցառման կազմակերպիչը Ադրբեջանի բարձրաստիճան պաշտոնյայի ազգականն է:
Խոսքը Ադրբեջանի նախագահ Իլհամ Ալիևի եղբոր՝ Իզզաթ Ջավադովայի, հայտնի դիջեյ Միքայելա Ջավա մականունով զարմուհու մասին է, հայտնում է Le Matin-ը։
Այս տեղեկատվության վերաբերյալ հարցին ոստիկանության աղբյուրը, որը հրաժարվել է հայտնել իր անունը, հաստատել է, որ դա իսկապես նա է, ավելացնելով, որ «նա է կազմակերպել երեկույթը»:
Նա Մեծ Բրիտանիայի քաղաքացի է և Ալիևի (մահացած) հորեղբոր՝ Ջալալի դուստրը։
Ջավադովի մոտ հայտնաբերվել է կոկաինի, էքստազի և մետամֆետամինի 45 փաթեթ, ինչպես նաև ավելի քան 43 հազար եվրո արժողությամբ սեյֆ։
Նա և ևս ինը հոգի կներկայանան դատավորի առջև հինգշաբթի օրը, հավելել է աղբյուրը:
Ըստ Մեծ Բրիտանիայի հանցավորության դեմ պայքարի ազգային գործակալության՝ Ջավադովան և նրա ամուսինը՝ Սուլեյման Ջավադովը, համաձայնության են եկել 2021 թվականին՝ վերադարձնելու ադրբեջանական փողերի լվացման սխեմայից չորս միլիոն ֆունտ ստերլինգ ապօրինի եկամուտները։
