«Այս ամենը քաղաքական նշանակություն ունի, սա Հայ Առաքելական եկեղեցին պառակտելու, մասնատելու և Հայաստանի առաքելական եկեղեցի ստեղծելու նպատակ է հետապնդում, որն էլ անկյունաքարերից մեկը պետք է լինի Նիկոլ Փաշինյանի ցնորական գաղափարի՝ չորրորդ հանրապետության ստեղծման համար»,- 24TV-ի եթերում ասել է ԱԺ նախկին պատգամավոր Հովիկ Աղազարյանը՝ անդրադառնալով եկեղեցու շուրջ ծավալված իրադարձություններին և Կաթողիկոսի ու 6 եպիսկոպոսների հետ կապված քրգործին։ «Ասում են՝ ոնց կարելի է դատել Վեհափառին։ Մենք չպետք է 2 տարբեր իրավիճակներ խառնենք իրար․ մի կողմ թողենք Վեհափառին, բայց եթե բարձրաստիճան հոգևորականը, Աստված չանի, հանգամանքների բերումով մարդ սպանի և ապացուցվի՝ չպիտի՞ դատվի, պիտի դատվի, չէ՞։ Իրավական խնդիրը մեկ բան է, քաղաքական խնդիրը մեկ այլ․ պետք է հասկանանք, որ նպատակը ոչ թե Վեհափառին դատելն է, այլ եկեղեցին պառակտելը»,- նշեց Աղազարյանը։
