Այսօր կհանդիպեմ ՌԴ նախագահ Վլադիմիր Պուտինի հետ՝ քննարկելու մեր հարաբերությունների հետագա զարգացման ռազմավարությունը: Այս մասին Շանհայի համագործակցության կազմակերպության գագաթնաժողովի ՇՀԿ+ ձևաչափի հանդիպմանը հայտարարել է վարչապետ Նիկոլ Փաշինյանը։
Նա իր ելույթում նաև նշել է, որ Հայաստանը վերջին տարիներին ռազմավարական հարաբերություններ է հաստատել տարբեր երկրների հետ, իսկ Հնդկաստանի ու Իրանի հետ հարաբերությունները փաստացի ռազմավարական բնույթ ունեն, աշխատանք է տարվում դրանց փաստաթղթային ձևակերպման ուղղությամբ։
