Հայաստանը միարժեքորեն պատրաստ է կնքել «Խաղաղության պայմանագիրը», և Ադրբեջանի կողմից հնչեցված մտքերը որպես նախապայման չեմ դիտարկում, լրագրողների հետ զրույցում հայտարարեց Արդարադատության նախարար Սրբուհի Գալյանը։
«Իմ խոսքում նշել եմ, որ խաղաղությունն այլընտրանք չունի և մեր գործողությունները պետք է միտված լինեն խաղաղության վերջնական հաստատմանը։ Բայց թե ինչ կոնցեպտով պետք է առաջ շարժվենք դեպի «Խաղաղության պայմանագրի» կնքումը՝ շատ շուտով հանրությանը հայտնի կլինի»,-ավելացրեց նա։
Ինչ վերաբերում է Սահմանադրության փոփոխություններին՝ Գալյանը նշեց, որ աշխատում են Սահմանադրության նոր տեքստի վրա.«Տեքստի մասով մանրամասներ ասել չեմ կարող, բայց շատ կարևոր է մի շեշտադրում, որ այդ տեքստը չի կարող լինել գաղտնի և ինչ-որ պահի հանրայնացվելու է և յուրաքանչյուր կետ քննարկվելու է բնակիչների հետ»։
Նա ևս մեկ անգամ վերահաստատեց՝ կառավարությունն այս պահի դրությամբ պատրաստ է կնքել «Խաղաղության պայմանագիրը»։
Դիտարկմանը՝ արդյո՞ք հասել են Սահմանադրությունից Հռչակագիրը հանելուն կամ թողնելուն՝ նախարարը պատասխանեց.«Ոչ»։
