Օտարները թալանում են Հայաստանի մետաղական հանքերը, իշխանությունն էլ թալանում է Հայաստանի հպարտ քաղաքացիներին . Ոսկան Սարգսյան

Հայաստանի ընդերքը հարուստ է ոսկով, պղնձով , մոլիբդենով։ Ադրբեջանի նավթն ու գազը արդյունահանվում է միջազգային կոնսորցիումի հետ համագործակցող , պետական «Սոկար» ընկերության միջոցով, ածխաջրածինների վաճառքից գոյացած միլիարդավոր դոլարներով Ադրբեջանի բանակը սպառազինվեց։ Սյունիքի մարզի ընդերքը շահագործում են օֆշորներում գրանցված օտար ընկերությունները, որոնց իրական տերերի անունները հայտնի չեն Հայաստանի հպարտ քաղաքացիներին՝ 3 միլիոն վարչապետերին։ Նիկոլ Փաշինյանը փայ է մտել Զանգեզուրի պղնձամոլիբդենային կոմբինատին, սակայն այդ բաժնեմասերը հանձնվել են ոչ թե պետությանը, այլ՝ Նիկոլ Փաշինյանի աշխատակազմին։ Այս տարի Հայաստանը պետք է մարի 2,4 միլիարդ դոլար արտաքին պարտք ու դրա տոկոսներ, 2025թվականի պետբյուջեն կազմվել է 609 միլիարդ դրամ դեֆիցիտով։ Այդ պատճառով Նիկոլ Փաշինյանը մեծապես ավելացրել է գույքահարկը,նոտարական ծառայությունների վճարները, շրջանառության հարկը կրկնապատկել է։ Իշխանությունը թալանում է Հայաստանի քաղաքացիներին, Հայաստանի մեծ հարստություն ընդերքն էլ թալանում են օֆշորում գրանցված, իրենց ստացած շահույթների դիմաց Հայաստանի բյուջե քիչ հարկեր մուծող օտար ընկերությունները։ 21-րդ, զարգացած տեխնոլոգիաների դարում, Հայաստանում դեղին պղինձ չեն արտադրում, որովհետև սև պղնձի մեջ, դրա անվան տակ Հայաստանից արտահանում են մեծ քանակությամբ թանկարժեք մետաղներ։