ՄԱԿ-ի 193 անդամ պետություններից միայն 50-ն է աջակցել Ուկրաինայի իրավիճակի վերաբերյալ հակառուսական հայտարարությանը։ Այս մասին հաղորդում է ՌԻԱ Նովոստին։
Այս հայտարարության մեջ ստորագրող երկրները ռուսական հատուկ գործողությունը բնութագրել են՝ որպես «անօրինական, լիարժեք ռազմական ներխուժում» և կոչ են արել «լիակատար, անհապաղ և անվերապահ հրադադարի»։
Փաստաթուղթը կարդացել է Դանիայի արտաքին գործերի նախարար Լարս Լյոկկեն։ Այն հիմնականում աջակցել են եվրոպական երկրները և արևմտյան դաշնակիցները։ Սակայն Միացյալ Նահանգները չի միացել հայտարարությանը։
Օգոստոսին ՄԱԿ-ի Անվտանգության խորհրդում նախագահող դանիական առաքելության տվյալներով՝ հանդիպումը նախաձեռնել են Դանիայի, Ֆրանսիայի, Հունաստանի, Լատվիայի և Միացյալ Թագավորության ներկայացուցիչները։
