Իրանի նախագահ Մասուդ Փեզեշքիանը հայտարարել է, որ տարածաշրջանի երկրների տարածքային ամբողջականության պահպանումն Իրանի արտաքին քաղաքականության հիմնարար սկզբունքն է, հայտնում է իրանական ԻՐՆԱ գործակալութունը։
Ադրբեջանի նախագահի արտաքին քաղաքականության գծով օգնական Հիքմեթ Հաջիևի հետ հանդիպման ժամանակ Փեզեշքիանը նշել է, որ Իրանի և Ադրբեջանի հարաբերությունները կառուցված են ոչ միայն բարիդրացիական, այլև եղբայրական և ազգակցական հարաբերությունների վրա։
Փեզեշքիանը հավելել է, որ Իրանը ձգտում է զարգացնել համագործակցությունն ու փոխգործակցությունը բոլոր մահմեդական պետությունների հետ, ինչպես նաև մեծացնել մահմեդական աշխարհի հզորությունը։
Հիքմաթ Հաջիևն իր հերթին ցանկություն է հայտնել բարձրացնել երկկողմ հարաբերությունների մակարդակը՝ նշելով, որ այսօր բոլոր պայմանները կան այդ նպատակին հասնելու համար։ Հաջիևը վստահեցրել է, որ «համագործակցության զարգացման հարցում Ադրբեջանն Իրանի հարևաններից ամենավճռական երկրներից մեկն է»։
