Ինձ թվում է, որ դուք Պուտինի հետ ավելի լավ կապեր ունեք, քան ես։ Այս մասին Հակակոռուպցիոն դատարանում ասել է «Ուժեղ Հայաստան» կուսակցության առաջնորդ Սամվել Կարապետյանը՝ պատասխանելով լրագրողի հարցին այն մասին, թե ասում են՝ Սամվել Կարապետյանը Պուտինին բերել է Հայաստանի վրա:
«Այո, բանտի խցից ես զանգեցի Պուտինին, ասեցի անպայման մի հատ Հայաստանի վրա տես ինչ ես անում»,- կատակել է նա և հավելել, որ առհասարակ, բոլոր երկրների ցանկացած հայտարարություն համարում է ճնշում և ոչ ճիշտ Հայաստանի համար։
Անդրադառնալով Վլադիմիր Պուտինի հայտարարություններին այն մասին, թե Հայաստանը Ուկրանիայի ճանապարհն է բռնել, Կարապետյանը ընդգծեց, որ իր համար անընդունելի է ցանկացած միջամտություն, թեկուզ Ռուսաստանի, Հայաստանի գործերին:
Նշենք, որ այսօր ընթանալու է «Ուժեղ Հայաստան» կուսակցության առաջնորդ Սամվել Կարապետյանի գործով հերթական դատական նիստը:
