Եվրոպական միության այն պնդումը, թե Հայաստանը լիակատար ժողովրդավար պետություն է, չի համապատասխանում իրականությանը։ Այս մասին ՀՀ-ԵՄ խորհրդարանական գործընկերության կոմիտեի նիստի ժամանակ ասաց ՀՀ ԱԺ «Հայաստան» խմբակցության պատգամավոր Լևոն Քոչարյանը։
«Հայաստանի ներքին քաղաքական միջավայրը, ինչպես այն ներկայացվում է, իմ կարծիքով սխալական է ու կառավարության լուրջ խնդիրները չի ներկայացնում։ ԵՄ–ի այն պնդումը, թե ՀՀ–ն լիակատար ժողովրդավար պետություն է, չի համապատասխանում իրականությանը։ Հայաստանը բախվում է լուրջ ժողովրդավարական խնդիրների` ներառյալ ընդդիմության նկատմամբ ճնշումները։ Օրինակ` դատական ու քրեական գործեր են հարուցվում»,– ասաց Քոչարյանը։
Նրա խոսքով` մեդիաազատության դրույթները ճշգրիտ չեն արտահայտում այն պայմանները, որոնք տիրում են Հայաստանում, քանի որ, օրինակ, քաղաքական ընդդիմադիր ուժերը սեփական երկրում հետապնդվում են։
