Այսօր ստացվել են խաղաղության պայմանագրի նախագծի վերաբերյալ ադրբեջանական կողմի պատասխան առաջարկները (նախագծի 11-րդ խմբագրություն), «Ազատությանը» հայտնել են Արտգործնախարարությունից։
Այսօր ավելի վաղ փոխարտգործնախարար Պարույր Հովհաննիսյանը հայտնել էր, որ Երևանը խաղաղության պայմանագրի տեքստը համաձայնեցնելու և ստորագրելու համար Բաքվին առաջարկներ է ուղարկել, սպասում է արձագանքի։
Երևանը օգոստոսին Բաքվին ուղարկել էր խաղաղության պայմանագրի նախագծի իր տարբերակը՝ առաջարկելով արդեն համաձայնեցված կետերով փաստաթուղթ ստորագրել, ադրբեջանական կողմը, սակայն, կտրուկ մերժել էր:
