«Աերոֆլոտ» ընկերության ինքնաթիռը, որը կատարում էր Երեւան-Մոսկվա չվերթը, հարկադրյալ վայրէջք է կատարել Աստրախանի օդանավակայանում երկուշաբթի գիշեր, ուղեւորի վատ ինքնազգացողության պատճառով, «Ինտերֆաքսին» տեղեկացրել են օդանավակայանի մամուլի ծառայությունում։
«Աերոֆլոտ» ավիաընկերության Երեւան-Մոսկվա SU1869 չվերթը հարկադրյալ վայրէջք է կատարել Աստրախանի օդանավակայանում ժամը 12.12-ին, ուղեւորի վատ ինքնազգացողության պատճառով»,- ասել է մամուլի ծառայության ներկայացուցիչը։
Ուղեւորն իջեցվել է օդանավից եւ հանձնվել քաղաքի բուժհաստատությանը։ Մնացած ուղեւորների հետ աշխատում են փոխադրողի ներկայացուցիչները։
Նշվել է, որ ավիաընկերության որոշմամբ երթուղու թռիչքը նշանակված է ժամը 14.00-ին։
Կուստոդիեւի անվան «Աստրախան» միջազգային օդանավակայանն ունի դաշնային նշանակության օդանավակայանի կարգավիճակ։ Տեղեկացվել է, որ օդանավակայանը 2023թ. ուղեւորափոխադրումների հոսքը նվազեցրել է 7,4 տոկոսով՝ մինչեւ 774 հազար մարդ 2022թ. ցուցանիշների համեմատ։
