Ալեքսան Ալեքսանյանի կալանավորման ժամկետը ևս երկու ամսով երկարացնելու որոշման դեմ բողոք է ներկայացվել։ Այդ մասին «Փաստինֆո»-ին հայտնել է փաստաբան Արմեն Ֆերոյանը։
Վերաքննիչ բողոքը դեռ չի մակագրվել։
«Առաջին ատյանի դատարանի որոշումը բացարձակ հիմնավորում չունի, տիպիկ շաբլոնային ձևակերպում է, որ ազատության մեջ գտնվելու դեպքում նա կարող է խուսափել, խոչընդոտել քննությանը՝ առանց որևէ փաստարկի, հիմնավորման»,- ասել է պաշտպանը։
Այսօր Ֆերոյանն այցելել է Ալեքսանյանին․ «Նա շատ լավ էր, ամուր և ուժեղ»։
Նույն վարույթի շրջանակներում մեղադրանք է ներկայացված նաև Նարեկ Կարապետյանին։ Ֆերոյանը նշել է՝ դա էլ ակնհայտ ապօրինի բնույթ է կրում։
