Բաքվում գտնվող Իրանի խորհրդարանի խոսնակին այսօր ընդունել է Ադրբեջանի նախագահը։ Իլհամ Ալիևը հայտարարել է, որ տարածաշրջանային խնդիրները պետք է լուծեն տարածաշրջանի երկրները, և ընդգծել, որ անընդունելի է արտաքին ուժերի միջամտությունը։
Ալիևը կարևորել է «3+3» ձևաչափը։ Ըստ հաղորդագրության՝ Իրանի խորհրդարանի նախագահ Մոհամմադ Բաղեր Ղալիբաֆը Ալիևի հետ հանդիպմանը նշել է, որ երկու երկրներն էլ ընդհանուր շահեր ունեն տարածաշրջանում կայունության և անվտանգության ապահովման հարցում՝ վերահաստատելով Իրանի աջակցությունը այն սկզբունքին, որ տարածաշրջանային խնդիրները պետք է լուծվեն ներգրավված երկրների կողմից։
