Լրագրող Ոսկան Սարգսյանը ֆեյսբուքյան իր էջում գրում է.
Ադրբեջանի արտաքին գործերի նախարար Ջեյհուն Բայրամովը թուրք պաշտոնակցի՝ Հաքան Ֆիդանի հետ Անկարայում տված համատեղ մամուլի ասուլիսում հայտարարել է․
«Չնայած բանակցությունների գործընթացում դրական դինամիկա է նկատվում եւ համաձայնագրի նախագծի զգալի մասը հանմաձայնեցված է, Ադրբեջանի հանդեպ տարածքային հավակնությունները նախկինի պես պահպանվում են Հայաստանի Սահմանադրությունում եւ մի շարք այլ նորմատիվա-իրավական ակտերում։ Միեւնույն ժամանակ, գաղտնիք չէ, որ Հայաստանը նաեւ տարածքային հավակնություններ ունի Թուրքիայի Հանրապետության հանդեպ։ Ներկայում խաղաղության համաձայնագրի կնքման հիմնական խոչընդոտը մեր երկրներին ներկայացվող տարածքային հավակնություններն են, որոնք շարադրված են Հայաստանի Սահմանադրությունում»։
Հայաստանի սահմանադրության փոփոխության պահանջ դնելով՝ Ադրբեջանը միտումնավոր վիժեցնում է խաղաղության համաձայնագրի կնքումը։ Ադրբեջանը և Հայաստանը պայմանավորվել են, որ խաղաղության պայմանագրի հոդվածներն իրավական ավելի բարձր ուժ են ունենալու, քան 2 երկրների օրենսդրությունը, այդ դեպքում ՀՀ սահմանադրությունը ինչպե՞ս կարող է խոչընդոտ լինել այդ համաձայնագրի կնքմանը։ Ադրբեջանը ՀՀ սահմանադրության փոփոխման պահանջ դնելով՝ գիտի, որ Հայաստանի բնակչության կողմից դա վատ է ընդունվելու, ընդամենը 10-15 տոկոս վարկանիշ ունեցող Նիկոլ Փաշինյանը չի կարող ապահովել հանրաքվեով նոր սահմանադրության ընդունումը։Ադրբեջանի ղեկավարությունը քաղաքական հաշվարկներում ճիշտ է դուրս գալիս, ի տարբերություն սեփական քաղաքական գիծ, աշխարհայացք չունեցող, <<ապրենք մինչ երկուշաբթի>> սկզբունքով գործող Նիկոլ Փաշինյանի։
