«Ժողովուրդ» օրաթերթը գրում է․ «Հաշվեքննիչ պալատի երիտասարդ անդամ Արմեն Գևորգյանը մոտավորապես վերջերս լքել է պաշտոնը, նրան հետևել է եղբայրը` Գագիկ Գևորգյանը, ով տասնամյակներ շարունակ վիճակագրական կոմիտեի առանցքային ֆիգուրներից էր, նախագահի տեղակալը և մարդահամարի թիվ մեկ պատասխանատուն։
Թեև եղբայրները ազատվել են պետական համակարգից, սակայն նրանց գրեթե բոլոր հարսները, որդիները, կանայք Գագիկ Գևորգյանի վիճակագրական կոմիտեում են։ Օրինակ` Արմեն Գևորգյանի դուստր Աննա Գևորգյանը, նրա ապագա հարս Անահիտ Օհանյանը, կինը` Լիլիթ Ազիզյանը, ապագա մյուս հարս Լուսինե Մախսուդյանը և այլ ազգականները:
Ծնունդով Արարատի մարզից Գևորգյանների աստղը 1990-ականների կեսին փայլեց, երբ իրենց հռչակեցին Վազգեն Սարգսյանի մտերիմ, այնուհետև` հոկտեմբերի 27-ից հետո, սահուն անցան հեռանկարային Արգամիչի դրոշի տակ, այնուհետև կատարելագործեցին անհրաժեշտ կապերը, որի արդյունքում ողջ գերդաստանը գրավեց եկամտաբեր պետական պաշտոններ` պետական ռեգիստր, արդարադատության նախարարություն, ԱՎԾ, Հաշվեքննիչ պալատ»:
Մանրամասները՝ թերթի համարում:
