Երևանի քաղաքապետարանում ընթացող գործակարգավարական խորհրդակցության ժամանակ քաղաքապետ Տիգրան Ավինյանը տեղեկացրեց, որ Աջափնյակ վարչական շրջանը նոր ղեկավար ունի. «Պարոն Սերոբ Սարգսյանը նշանակվել է Աջափնյակ վարչական շրջանի ղեկավար: Շնորհակալություն Կամսար Բաբինյանին, ով վերջին երկուսուկես տարվա ընթացքում եղել է Աջափնյակ վարչական շրջանի ղեկավարը և մենք միասին հասցրել ենք իրականացնել բազմաթիվ ծրագրեր: Պարոն Բաբինյանը նշանակվել է ՀՀ ամենախոշոր պոլիկլինիկայի տնօրեն»,- ասել է Ավինյանը:
