«Ուժեղ Հայաստանի» պայքարի վերջնանպատակը մեկն է՝ իշխանափոխություն, լրագրողների հետ զրույցում այսօր ասաց կուսակցության խորհրդի անդամ Նարեկ Կարապետյանը։
Պայքարի այս փուլում՝ Սամվել Կարապետյանի կոնսոլիդացիայի կոչից հետո, նախատեսվում է հանդիպում արտախորհրդարանական ընդդիմադիր ուժերի հետ, հայտնեց Նարեկ Կարապետյանը։
«Նրանց հետ ընդհանուր քննարկումների արդյունքում կմշակենք այն ռազմավարությունը, որը հետագայում պետք է վարենք, միասին հասկանանք՝ ինչպես անենք, որ այս իշխանությանը հնարավորինս շուտ հրաժեշտ տանք»,- նշեց նա։
Ինչ վերաբերում է «Ուժեղ Հայաստանի» կողմից մանդատները վերցնել-չվերցնելու խնդրին, Կարապետյանն ասաց՝ տարբերակները քննարկում են, վերջնական որոշում դեռ չունեն՝ ՍԴ որոշումից հետո հանդես կգան հայտարարությամբ.
«Չենք կարող անտեսել պետական ինստիտուտները։ ՍԴ-ն, եթե անհրաժեշտ կամք դրսևորի, կապահովի ձայնագողության՝ ԲՀԿ-ի ձայների գողության բացակայությունը»։
Նարեկ Կարապետյանը հետագա քայլերի առնչությամբ նաև նշեց՝ Սամվել Կարապետյանը մասնակցելու է Հայաստանի վերակառուցմանը, երկարաժամկետ պլաններ ունի՝ Հայաստանի զարգացման հետ կապված։
Այս ընթացքում Կարապետյանը չբացառեց նաև փողոցային պայքարը.
«Կգա օրը, և երևանյան փողոցում պայքարն իր խոսքը կասի»։
@armlife.lurer Մանդատները բացի բռնաճնշումից ոչինչ չեն տալիս․ բոլորն անցնելու են ԱԱԾ մեկուսարանով. Նարեկ Կարապետյան #news #newsarmenia #hayastan armlife.am
