«Մեկնելու եմ Ստամբուլ՝ ԱՀԿ-ի կողմից ռեգիոնալ ժողովին մասնակցելու։ Այն վերաբերելու է երկրաշարժերի և ընդհանուր առմամբ արտակարգ իրավիճակներում առողջապահական համակարգերի փոխգործունեությանը»,- ասուլիսի ժամանակ հայտնել է Առողջապահության նախարար Անահիտ Ավանեսյանը։ Հարցին՝ լինելո՞ւ են երկկողմ հանդիպումներ, պատասխանել է․ «Ընդհանրապես լինում են երկկողմ նախարարական հանդիպումներ. այն նախարարների հետ, ովքեր կլինեն մեր ռեգիոնից, իհարկե, կլինեն նաև երկկողմ հանդիպումներ։ Այս պահին դեռ հաստատված օրակարգ չունենք»։
