Մեր խնդիրը ոչ թե նոր հայեցակարգի մշակումն է, այլ Սահմանադրության նոր տեքստի մշակումը, լրագրողների հետ զրույցում ասաց ՀՀ արդարադատության նախարար Սրբուհի Գալյանը։
«Այս պահին աշխատանքներն այդ ուղղությամբ կատարվում են»,-ասաց նախարարը։
Նա նշեց, թե պետք է ամեն ինչ անել, որպեսզի Սահմանադրության նոր տեքստը պատրաստ լինի մինչև նոր ընտրությունները։
«Բայց ես երբևէ չեմ նշել, որ Սահմանադրության հանրաքվեն պետք է անցկացվի ընտրություններից առաջ կամ հետո։ Այն հանձնառությունը, որը ստանձնել ենք, միտված է նրան, որ Սահմանադրության նոր տեքստը պատրաստ լինի մինչև 2026 թվականի ընտրությունները։ Դրանից հետո արդեն որոշում կկայացվի հանրաքվեի մասին»,-ասաց նախարարը։
Գալյանը նշեց, թե տեքստի ուղղությամբ աշխատանքներ իրականացվում են։
Ինչ վերաբերում է Սահմանադրության առաջին երկու հոդվածներին, որոնք անփոփոխ են, նախարարն ասաց.
«Եթե անփոփոխ են, տրամաբանությունից շեղում չի լինի»։
