Հայտնի կլիմայական ակտիվիստ Գրետա Թունբերգը Թբիլիսիում մասնակցել է Վրաստանում անցկացվող ցույցին՝ ի նշան Ադրբեջանի դեմ բողոքի, որը հյուրընկալել է ՄԱԿ-ի ամենամյա կլիմայի շուրջ բանակցությունները:
AP-ի հաղորդմամբ` Թունբերգը և մի խումբ այլ ակտիվիստներ հայտարարել են, որ Ադրբեջանն արժանի չէ ընդունելու կլիմայի վերաբերյալ բանակցությունները՝ իր ռեպրեսիվ քաղաքականության պատճառով:
ՄԱԿ-ի Կլիմայի շուրջ բանակցությունները, որոնք կոչվում են COP29, մեկնարկել են երկուշաբթի օրը՝ Ադրբեջանի մայրաքաղաք Բաքվում, որը նավթի խոշոր արտադրող է, այնտեղ հորատվել է աշխարհում առաջին նավթը:
Թունբերգն Ադրբեջանը բնութագրել է որպես «ռեպրեսիվ, օկուպանտ պետություն, որն էթնիկ զտումներ է իրականացրել և շարունակում է ճնշել Ադրբեջանի քաղաքացիական հասարակությանը»։
Նա մեղադրել է, որ Կասպից ծովի երկիրն օգտագործել է գագաթնաժողովը որպես «իրենց հանցագործությունները և մարդու իրավունքների ոտնահարումը կանխելու հնարավորություն»։
Երկուշաբթի օրը Թբիլիսիում կայացած հանրահավաքում ելույթ ունենալով՝ Թունբերգն ընդգծել է, որ երբևէ գրանցված ամենաշոգ տարին եղել է այն բանից հետո, երբ անցյալ տարի համաշխարհային ջերմոցային գազերի արտանետումները հասել են ամենաբարձր մակարդակին:
«Կլիմայի փոփոխության կոնֆերանսի անցկացումը ավտորիտար նավթային պետությունում աբսուրդից վեր է», — ասել է նա:
