MediaHub-ը գրում է.
Սեպտեմբերի 28-29-ին Մայր Աթոռը կվերաօծվի։ 2012 թվականից վերանորոգվող Մայր Տաճարը վերջապես կսկսի դիմավորել հավատավոր ժողովրդին, թեև որոշ հատված կշարունակի փակ մնալ:
Քաղաքացիները սեպտեմբերի 28-ին, երեկոյան ժամը 17.00-ին Սուրբ Տրդատի բաց խորանում կմասնակցեն Մյուռոնօրհնության արարողության, հաջորդ օրը՝ սեպտեմբերի 29-ին, ժամը 10։30-ին Մայր Տաճարի վերաօծմանը։ Հավատավոր ժողովրդին անդին․․․ շատերին հետաքրքրում է, թե արդյո՞ք Նիկոլ Փաշինյանն էլ է մասնակցելու Մայր Տաճարի վերաօծման արարողությանը։
MediaHub-ի աղբյուրները վստահեցնում են՝ Փաշինյանը չի՛ մասնակցելու Մայր Տաճարի բացմանը։ Նրա համար սեպտեմբերի 28-ն ու 29-ը լինելու են սովորական հանգստյան օրեր։
Այս կերպ Փաշինյանը հերթական անգամ ցույց կտա իր վերաբերմունքը Հայ առաքելական եկեղեցուն։
Նշենք, որ այդ վերաբերմունքը ցայտուն արտահայտվել է նաև այս տարեսկզբին, երբ Հանրային հեռուստատեսությունը հրաժարվել էր հեռարձակել Վեհափառ հոր՝ Գարեգին Բ-ի շնորհավորական ուղերձը ամանորին։ Դրան էլ հաջորդեցին ՔՊ-ականների՝ տարբեր ամբիոններից հնչեցրած հակաեկեղեցական ելույթները։
Տեղեկացնենք, որ նախորդ շաբաթ Մայր Աթոռի տեղեկատվական բաժնից մեզ հայտնել էին, որ մինչև շաբաթվա վերջ բոլոր հրավերներն ուղարկվելու են։ Ստացե՞լ է արդյոք Փաշինյանը. աշխատակազմից խոստացան ճշտել ու տեղեկացնել։
Նախորդ օրերի տվյալներով՝ հրավեր չի եղել։
