Մայիսի 9-ին Մոսկվայի Կարմիր հրապարակում կայանալիք Հաղթանակի շքերթին ռազմական տեխնիկայի շարասյուն չի լինի։ Այս մասին հայտնել է ՌԴ պաշտպանության նախարարությունը։
«Ստեղծված օպերատիվ իրավիճակի պատճառով Սուվորովի և Նախիմովի անվան ռազմական ուսումնարանների, կադետական կորպուսի ուսանողները, ինչպես նաև ռազմական տեխնիկայի շարասյունը այս տարի չեն մասնակցի ռազմական շքերթին»,- հայտարարել է գերատեսչությունը։ Այնուամենայնիվ, նախարարությունը հավելել է, որ շքերթին կմասնակցեն ինքնաթիռներ։
Վերջին անգամ Հաղթանակի օրվա շքերթը Մոսկվայում առանց ռազմական տեխնիկայի անցկացվել է 2007 թվականին։
