Ժամկետանց և սննդի մեջ օգտագործման համար ոչ պիտանի, գուցե նույնիսկ թունավոր հավի միսը Հայաստան ներկրած հետո այն հողի տակից էսգումացիայի ենթարակած «Արմեն-Համիկ եղբայրներ» ընկերությանն է պատկանում Աբովյան քաղաքում գործող Օրիգինալ սուպերմարկետը, Կաթնաղբյուրի Օրիգինալ ռեստորանային համալիրը։ Պարզ է չէ, որ հողի տակից սննդի համար անպիտան միսը հանելուց հետո այդ միսը բարեգործական նպատակներով չի բաժանվել անտեր շներին ու կատուներին, այլ իրացվել է այդ ընկերությանը պատկանող սուպերմարկետում և ռեստորանում, հավի տապակայի, տարբեր աղցանների և կերակուրների տեսքով: Այս ընկերությունը չունի որևէ սոցիալական պատասխանատվություն այն մարդկանց նկատմամբ, ովքեր օգտվում են իրենց ծառայություններից, նրանց համար շարժիչ ուժը բացառապես փող աշխատելն է՝ թեկուզ մարդկանց առողջության և կյանքի հաշվին: Արդյո՞ք ՊԵԿ-ը գոնե մեկ օրով փակել է «Արմեն-Համիկ եղբայրներ» ընկերությանը պատկանող Օրիգինալ սուպերմարկետը, Կաթնաղբյուրի Օրիգինալ ռեստորանային համալիրը, արդո՞ք վերահոսկողություն կա՝ այդ օբյեկտներում վաճառվող հավի մսի նկատմամբ, արդյո՞ք այդ միսը վտանգավոր չէ մարդկանց առողջության համար: Քանի որ ոչ ՊԵԿ-ը և ոչ էլ Սննդի անվտանգության տեսչությունը ոչ մի նման ստուգում կամ վերահսկողություն չեն իրականացնում, մնում է մարդիկ անհատական մակարդակով մտածեն և գործեն հանուն իրենց առողջության` ուղղակի չօգտվեն նման Օրիգինալ սուպերմարկետներից և ռեստորաններից, որտեղ վաճառվում է հողի մեջ թաղված, հողից հանված սննդամթերք:
Հիշեցնենք, որ օրեր առաջ Պետական եկամուտների կոմիտեն տեղեկություն տարածեց, որ ներքին անվտանգության վարչության և ՊԵԿ ԱՏԳ մաքսային սպասարկման և հսկողության վարչության աշխատակիցները մասնակցել են «Արմեն-Համիկ եղբայրներ» ընկերության կողմից 13 հազար 500 կգ ընդհանուր քաշով հավի մսի ոչնչացմանը: Գործողությունը կատարվել է Կոտայքի մարզի Ակունք համայնքի Կոտայք գյուղում` ՀՀ սննդամթերքի անվտանգության տեսչական մարմնի կողմից տրված համապատասխան եզրակացության հիման վրա:
Ապրանքների ոչնչացումը կատարվել է թաղման եղանակով։
Նույն օրը` օգտագործման համար ոչ պիտանի ապրանքների թաղման եղանակով ոչնչացումից հետո, ՊԵԿ ներքին անվտանգության վարչության ու հետաքննության և օպերատիվ հետախուզության վարչության աշխատակիցների կողմից իրականացված դիտարկումների արդյունքում պարզվել է, որ նշված ընկերության ներկայացուցիչներն այցելել են ոչնչացման վայր և քանդող տեխնիկայով կատարել են հողի քանդման և թաղված հավի միսը հողի տակից հանելու աշխատանքներ, որից հետո հանված ապրանքները տեղափոխել են «Արմեն-Համիկ եղբայրներ» ՍՊ ընկերության տարածք։
Իրականացված օպերատիվ-հետախուզական միջոցառումների արդյունքում, «Արմեն-Համիկ եղբայրներ» ՍՊ ընկերության տարածքի պահեստային սառնարաններում ՊԵԿ ներքին անվտանգության ու հետաքննության և օպերատիվ հետախուզության վարչությունների աշխատակիցները հայտնաբերել են հողի տակից հանված ապրանքները, որոնց տուփերին առկա են եղել հողի ակնհայտ հետքեր։
Կազմվել են համապատասխան արձանագրություններ, վերցվել են փորձանմուշներ։
