Խառը մենամարտերի թեթեւ քաշային կարգում UFC դասակարգման առաջին համար, տիտղոսի հավակնորդ, Հայաստանի ներկայացուցիչ Արման Ծառուկյանը պատմել է, որ գաղտնի հնարք է մշակել ռուսաստանցի Իսլամ Մախաչեւի դեմ մենամարտի համար։
«Բոլորը հարցնում են, թե որն է այդ գաղտնի հնարքը։ Ինչպե՞ս կարող եմ ես այդ մասին խոսել։ Բոլորին ասում եմ, որ հայ-քիկն է՝ ոտքով բարձր հարվածը։
Բայց չգիտեմ, երեւի, պետք չէ խոսել գաղտնի հնարքի մասին։ Անիմաստ է այդ մասին հարցնելը։
Ես այդ հնարքը չեմ տսել UFC-ի լավագույն մենամարտերում էլ։ Երբ տեսնեք, կհիանաք։ Եթե ես այն կիրառեմ, կաշխատի»,- Արման Ծառուկյանի խոսքը մեջբերում է MMA Junkie-ն։
Արման Ծառուկյանի եւ Իսլամ Մախաչեւի երկրորդ մենամարտը տեղի կունենա հունվարի 19-ին Լոս Անջելեսում։
2019-ին Իսլամ Մախաչեւը հաղթել է Արման Ծառուկյանին։
