Ալկոհոլային թունավորմամբ հիվանդանոց է տեղափոխվել Երևանի նախկին քաղաքապետ Ալբերտ Բազեյանը

Shamshyan.com-ի տեղեկություններով՝ հոկտեմբերի 14-ին «Արմենիա» բժշկական կենտրոն է տեղափոխվել Երևանի բնակիչ 68-ամյա Ալբերտ Բազեյանը։

Հիվանդանոց է մեկնել ՆԳՆ ոստիկանության Էրեբունու բաժնի օպերատիվ խումբը, որտեղ էլ պարզվել է, որ Ա. Բազեյանը թունավորումը ստացել է հոկտեմբերի 8-ին Կորյունի փողոցի շենքերից մեկի բնակարանում ալկոհոլ օգտագործելու հետևանքով։

Դեպքի փաստով ՆԳՆ ոստիկանության Էրեբունու բաժնում փաստաթղթեր են կազմվել, որոնք փոխանցվել են քննչական բաժին։

Հիվանդանոց տեղափոխված Ա. Բազեյանը Երևանի նախկին քաղաքապետն է։